Bloque Nacionalista Galego de Gondomar :: Últimas novas - Plenos do Concello

Aprobada por unanimidade unha nova iniciativa do BNG a prol do saneamento e do servizo de baleirado de fosas sépticas

BNG de Gondomar — Tue, 17 Feb 2026 14:00:17 +0100

A iniciativa insta ao goberno municipal a desenvolver a normativa municipal precisa para a posta en marcha dun servizo municipal de baleirado de pozos negros e fosas sépticas, e a investir os fondos do plan de obras e servizos da deputación en dar saneamento a vivendas que non o teñen

Manuela Rodríguez, portavoz municipal: “Ferreira non pode seguir a dar desculpas que ninguén cre. Se realmente houbera vontade pola súa parte, nada lle impediría aprobar dunha vez a ordenanza reguladora do servizo e investir en saneamento. Leva case 11 anos no goberno gastando grandes cantidades para outras obras menos prioritarias; tempo e cartos tivo dabondo”

O goberno do PSOE de Paco Ferreira vota en contra da libre expresión no concello de Gondomar

BNG de Gondomar — Tue, 9 Dec 2025 02:47:39 +0100

O alcalde négase a habilitar paneis que veciñanza e entidades poidan utilizar libremente para publicar comunicacións e eventos como pedía o Bloque

Manuela R. Pumar, voceira municipal do BNG: “Sen espazos para a libre expresión e con expedientes sancionadores por colgar carteis reivindicativos, ese é o Gondomar ‘caladiño’ que quere Paco Ferreira”

O BNG de Gondomar acusa a Paco Ferreira de 'desprezar' o Pleno municipal

BNG de Gondomar — Mon, 24 Jun 2024 13:18:47 +0200

A fronte nacionalista denuncia que o alcalde non convocou aínda a sesión ordinaria de xuño e que no que vai de mandato só o de marzo foi celebrado no día correspondente

Manuela Rodríguez: “Volvemos as maneiras do mandato pasado. Desta volta Paco Ferreira está máis ocupado nas súas ‘xiras moteiras’ que en cumprir coas súas obrigas á fronte do Concello”

Aprobada a moción do BNG que insta a investir os remanentes municipais na atención das necesidades reais de Gondomar

BNG de Gondomar — Mon, 22 Apr 2024 14:24:41 +0200

Manuela Rodríguez, Portavoz Municipal do BNG: "Con esta proposta o BNG pretende obrigar ao goberno municipal a utilizar en favor do interese público xeral parte deses fondos -procedentes da incapacidade e ineficacia da xestión do goberno local-, e a facelo con celeridade, antes de que o Estado levante a suspensión das regras fiscais que impedirían esa utilización"

Diante da proposta de compra do Café de Lis o BNG de Gondomar prioriza os servizos para a veciñanza e demanda a elaboración dos orzamentos para o vindeiro ano

BNG de Gondomar — Thu, 14 Dec 2023 21:36:23 +0100

No pleno celebrado o mércores 13 de febreiro, o BNG votou en contra da compra do “Café de Lis” co argumento de demandar o investimento deses fondos na creación de servizos públicos como o saneamento, o arranxo de camiños ou a mellora do alumeado.

O BNG considera “indecente” que Ferreira se asigne por decreto de Alcaldía o seu propio salario de 50 mil euros ao ano

BNG de Gondomar — Tue, 18 Jul 2023 01:50:33 +0200

Establece, tamén por decreto, catro exclusivas de 32 mil máis unha media, polo que o montante total da nómina do goberno ascenderá a 194 mil euros

Manuela Rodríguez: “Constátase así que o único que move ao grupo municipal do PSOE é asegurarse unha boa nómina para os vindeiros catro anos”

O BNG lamenta o non de Paco Ferreira a acordar melloras para Gondomar por non baixar os salarios do Goberno

BNG de Gondomar — Mon, 3 Jul 2023 13:31:40 +0200

A fronte nacionalista acusa ao grupo socialista de romper as negociacións para o Pleno de Organización pola insistencia en manter as mesmas dedicacións exclusivas malia a perda da maioría absoluta

A portavoz municipal do BNG, Manuela Rodríguez, insta a Ferreira asumir a súa nova situación na composición da Corporación municipal para desbloquear o acordo

O BNG de Gondomar acusa a Paco Ferreira de ‘secuestrar’ o Pleno municipal

BNG de Gondomar — Sun, 26 Feb 2023 21:38:04 +0100

A fronte nacionalista denuncia que o alcalde non convocou aínda a sesión ordinaria de marzo despois de non ter celebrado tampouco a correspondente a febreiro

Manuela Rodríguez: “É algo reiterado neste mandato, Paco Ferreira está máis ocupado en andar de evento en evento que cumprindo coas súas obrigas á fronte do Concello”

O BNG solicita aclarar os motivos da demora dos servizos de emerxencia no incendio do autobús escolar en Vilas

BNG de Gondomar — Mon, 5 Dec 2022 13:28:40 +0100

Familias e veciñanza afirman sentírense abandonadas diante da gravidade do acontecido: os bombeiros tardaron 45 minutos, a Policía Local perdeuse e non chegou ningunha ambulancia

O BNG denuncia o reiterado incumprimento da periodicidade das sesións plenarias por parte do Alcalde

BNG de Gondomar — Mon, 14 Mar 2022 11:24:44 +0100

Non houbo pleno en xaneiro e o de marzo nin foi convocado nin houbo comunicación algunha ao conxunto da Corporación

Manuela Rodríguez: “Volvemos estar en situación similar ao inicio de mandato e non descartamos volver denuncialo diante da Valedoría do Pobo”