Bloque Nacionalista Galego de Gondomar :: Últimas novas - urbanismo

O BNG de Gondomar solicita a convocatoria inmediata da comisión especial de seguimento do PXOM

BNG de Gondomar — Tue, 24 Mar 2026 03:23:06 +0100

O Bloque Nacionalista Galego, a través da súa portavoz municipal Manuela Rodríguez, vén de solicitar a convocatoria inmediata da Comisión informativa especial de asesoramento e seguimento do PXOM, co obxecto de que o alcalde explique os ‘supostos avances’ na redacción do Plan Xeral de Gondomar.

Insta a Ferreira a explicar as razóns da ocultación e a parálise do planeamento urbanístico do concello

Unha moción do BNG sobre as beirarrúas en Borreiros abriga ao Alcalde de Gondomar a saír anunciando que ‘están a preparar un proxecto’

BNG de Gondomar — Wed, 15 Oct 2025 02:20:31 +0200

A iniciativa nacionalista insta ao goberno local a resolver os problemas de inseguridade viaria da estrada principal da parroquia, en cumprimento dos compromisos adquiridos por Ferreira hai máis de seis anos coa veciñanza e que leva incumprido até agora

Chama a atención que as imaxes coas que o Alcalde acompaña o ‘anuncio’ sexan as mesmas que as dun estudo técnico realizado en 2023, que contemplaba varias solucións para a execución dun itinerario peonil na estrada que vai do Telleiro á Sabarís e que o propio Ferreira desbotaba até hai ben pouco por problemas de encaixe no planeamento urbanístico

Manuela Rodríguez, voceira do BNG de Gondomar: “Celebramos o efecto da nosa moción, agardamos sinceramente que o anuncio non sexa unha nova promesa convertida en fume das que acostuma Ferreira e solicitamos que desta vez abra o proxecto a participación veciñal antes de aprobalo”

O BNG insta ao goberno local a incluír na reforma da Avenida do Conde o saneamento dos tres bloques das antigas vivendas sociais

BNG de Gondomar — Tue, 23 Sep 2025 02:41:59 +0200

Consideran que tanto a actuación de mellora nun saneamento que afecta a vinte e sete vivendas, como o arranxo do leira-aparcadoiro que linda con elas, deberían caber nos fondos da Deputación que Ferreira pretende gastar no tramo que vai do cruce coa rúa Emigrante até a rotonda da circunvalación

Manuela Rodríguez, portavoz do BNG de Gondomar: “Xa que decide gastar nada menos que 650mil euros en “humanizar” un espazo de escasos 300m, non estaría de máis que lle dera un trato humano ás veciñas e veciños deses edificios proporcionándolles unha mellor calidade de vida”

O BNG de Gondomar rexeita o convenio con Zona Franca relativo á Pasaxe por consideralo lesivo para os intereses do Concello

BNG de Gondomar — Sun, 20 Jul 2025 23:52:22 +0200

Lamentan que o Alcalde non estimara retirar esa proposta para poder renegociala con CZFV e convertela nun acordo beneficioso para Gondomar

Manuela Rodríguez, portavoz municipal do BNG: “Máis que un convenio urbanístico de concertación de vontades para a consecución dun beneficio mutuo, é realmente un acordo de parte, un contrato leonino onde as vantaxes están do lado de Zona Franca”

O BNG de Gondomar reclama ao Alcalde o cumprimento dos acordos relativos á humanización da Alameda

BNG de Gondomar — Mon, 21 Oct 2024 02:54:02 +0200

Pasados xa tres meses do remate da obra, o goberno de Gondomar non cumpriu compromisos recollidos no acordo co grupo municipal do BNG, como a ordenación do aparcadoiro de San Bieito ou a creación do Consello Municipal do Comercio

O BNG de Gondomar propón medidas transitorias que garantan a seguranza viaria para peóns e vehículos na estrada de Borreiros

BNG de Gondomar — Tue, 16 Jan 2024 00:36:17 +0100

Manuela Rodríguez: “A veciñanza demanda seguridade con urxencia e calquera das opcións estudadas vai requerir moito tempo para se materializar; faise preciso actuar no inmediato para evitar riscos de atropelos e accidentes”

O BNG insta a Ferreira a retirar do pleno a adxudicación da obra da Alameda até que aclare en que consiste realmente

BNG de Gondomar — Mon, 16 Oct 2023 14:07:48 +0200

Mentres o Alcalde di que a rúa Manuel Losada manterá o tráfico rodado ascendente, no proxecto figura que se elimina e que estará restrinxido só a residentes

O BNG de Gondomar convoca asemblea informativa aberta sobre humanización da Praza Manuel Alonso

BNG de Gondomar — Thu, 12 Oct 2023 16:28:17 +0200

A reunión será este venres 13, ás 20:30h no CDL de Gondomar, e está dirixida a toda a veciñanza da contorna da máis coñecida como Praza da Alameda

O BNG insta ao Alcalde a explicar as razóns da parálise do Plan Xeral de Ordenación Municipal de Gondomar

BNG de Gondomar — Mon, 17 Oct 2022 18:01:26 +0200

O Bloque Nacionalista Galego vén de solicitar novamente a convocatoria da Comisión Informativa de Urbanismo co obxecto de que o Alcalde explique as razóns da parálise do Plan Xeral de Gondomar.

O BNG esixe comparecencia do Alcalde en Pleno extraordinario para dar explicacións sobre a presunta prevaricación relacionada co Polígono da Pasaxe

BNG de Gondomar — Sun, 26 Sep 2021 23:37:09 +0200

Manuela Rodríguez, portavoz municipal do BNG: “O Alcalde non só debe dar conta do que implica a sentencia, senón que tamén debe despexar, á maior brevidade posible, calquera dúbida a respecto da legalidade das actuacións realizadas na Pasaxe”