A Serra da Groba é patrimonio natural, paisaxístico e social da nosa contorna. Forma parte do que somos e do que queremos seguir sendo. Por iso non imos quedar caladas nin calados ante proxectos que se pretenden impor sen contar coa veciñanza e que poden ter consecuencias ambientais, económicas e territoriais moi serias.

Defendemos un modelo enerxético diferente e claro:
🌱 Renovable, si.
🤝 Participado, planificado e con transparencia, tamén.
🚫 Pero nin espolio nin depredación.

A transición enerxética é necesaria ⚡, mais non pode converterse nunha nova forma de colonización do noso territorio. Non todo vale en nome do “verde” se o custo o paga a nosa terra e a nosa xente.

Por iso é fundamental dar un paso adiante 📣. A veciñanza debe presentar alegacións contra o proxecto antes do 18 de marzo, no rexistro do Concello ou da Xunta. É un dereito democrático e unha ferramenta clave para facer escoitar a nosa voz.

Apostamos por unha enerxía eólica sustentábel, xusta e galega: que respecte o medio 🌿, que xere retorno social real 💶 e que poña por diante o interese do país. O futuro constrúese participando.

Podes atopar o documento para as alegacións na seguinte lizagón: https://gondomar.bng.gal/media/bnggondomar/files/2026/03/03/Alegacio%CC%81n%20Eo%CC%81licos%20Serra%20da%20Groba%202026.pdf