O BNG de Gondomar, diante da convocatoria de eleccións xerais para o vindeiro 23 de xullo e logo de se ter publicado a relación de mesas para esa nova cita electoral, trasladou ao Concello e á Xunta Electoral a solicitude de cambio de tres mesas de votación por contar a súa localización con atrancos arquitectónicos.

O BNG celebra que se atendera, cando menos en parte, a súa petición no camiño de posibilitar o dereito a votar en igualdade de condicións a todas as persoas.