Onte tivo lugar en Nigrán unha charla-coloquio na que participaron Xavier Rodríguez, portavoz municipal do BNG en Nigrán; Marta Dacosta, candidata número 6 do BNG por Pontevedra e membra do Consello Local de Gondomar; Guillerme Vázquez, portavoz nacional do BNG, e Carlos Aymerich, cabeza de lista do BNG por Pontevedra. Nas súas intervencións salientaron algunhas das alternativas do BNG ás políticas do goberno da Xunta en materia económica, social, cultural e lingüística. No acto interviñeron tamén representantes de colectivos sociais do Val Miñor que presentaron diversas problemáticas locais e comarcais.