O Bloque Nacionalista Galego denuncia que PSOE e PP deixan sen servizos de conciliación as familias do alumnado de Gondomar. O goberno local do PSOE de Ferreira négase a prestar o servizo de aulas matinais e o da Xunta do PP non dará o comedor ao CRA Antía Cal.
O Bloque Nacionalista Galego vén de solicitar novamente a convocatoria da Comisión Informativa de Urbanismo co obxecto de que o Alcalde explique as razóns da parálise do Plan Xeral de Gondomar.
A piques de rematar a prorroga do IV Plan de Igualdade e en vésperas 25N, o BNG de Gondomar solicita, máis unha vez, a convocatoria do Consello Municipal da Muller (CMM). O órgano leva sen se reunir dende novembro de 2021 cando debería facelo, como mínimo, cada catro meses.
Manuela Rodríguez: “O CMM, como órgano consultivo e de representación das mulleres do noso concello, debera ser o foro onde avaliar primeiramente o grao de cumprimento do Plan”
A fronte nacionalista rexistra mocións nos Plenos do Val Miñor para esixir solucións a estas problemáticas no corpo de emerxencias, dependente da Mancomunidade de Concellos
O BNG de Gondomar insta ao Goberno local a convocar unha xuntanza na que abordar toda a problemática do Ciclo da Auga no concello. Unha reunión con todos os axentes implicados, incluídas as comunidades de augas e o conxunto da Corporación.
Na moción presentada insta tamén ao Goberno local á conveniar coa Xunta as actuacións e obras necesarias para garantir o abastecemento á poboación durante un período de seca
O Bloque Nacionalista Galego denuncia que, a apenas dúas semanas do pleno de outubro, o Alcalde aínda non convocou ningunha reunión para resolver o problema da auga en Vilaza.
Manuela Rodríguez: “Solicitamos do Alcalde que dunha vez por todas se convoque unha primeira reunión no formato que lle pareza oportuno; que deixe de sinalar culpábeis e que se poña a procurar solucións, que é o que demanda a veciñanza de Vilaza”
O goberno local do PSOE de Ferreira négase a prestar o servizo de aulas matinais e o da Xunta do PP non dará o comedor ao CRA Antía Cal.
Así o deixaron patente os grupos de Paco Ferreira e de Paula Bouzós co seu voto en contra da moción do BNG debatida no pleno deste mes de setembro.
O BNG denuncia as desigualdades na cobertura do servizo de fibra de Movistar no concello de Gondomar
Insta ao Concello a se implicar, diante da empresa, para que toda a veciñanza da zona de despregamento da fibra poida gozar dun mesmo servizo
O BNG vén de solicitar a través do rexistro electrónico do Concello a convocatoria extraordinaria e urxente da comisión Informativa de Asuntos do Pleno para resolver, á maior brevidade posible, o problema da auga en Vilaza. Convida aos demais grupos da corporación a facer o mesmo para obrigar ao Alcalde a convocala, en sesión extraordinaria, xa na vindeira semana
Manuela Rodríguez: “Sr. Ferreira, deixe de enviar mensaxes inútiles a través da prensa e as redes sociais e convoque xa os órganos necesarios para dar a solución urxente que precisa a súa parroquia”
A Portavoz nacionalista, Manuela Rodríguez, ponse de novo a disposición para colaborar na resolución do expediente, tal como xa fixera no pleno celebrado o 20 maio de 2021 (https://i.gal/4NlCJ), en que se facultou ao Sr. Ferreira para designar os integrantes desa comisión da que este excluíu a oposición.
