bng

Manuela Rodríguez, portavoz municipal do BNG: “É indignante que cando o BNG propón medidas como o soterramento das liñas que atravesan o monte, para evitar as avarías producidas polas caídas de árbores sobre elas ou polo impacto de pólas e cascas, a resposta sexa sempre a mesma: é moi caro. E logo vemos como en 2020, en plena pandemia, as eléctricas obtiveron  beneficios multimillonarios: Naturgy 490 Millóns de euros, Endesa 1.394, Iberdrola 3.610.”

A campaña continúa e, nesta segunda fase, o BNG complementará a recollida na rúa de sinaturas de consumidores e consumidoras particulares cunha rolda de visitas ás pequenas e medianas empresas do concello cuxas actividades se desenvolven necesariamente durante as horas de maior custo da enerxía.

Manuela Rodríguez, portavoz municipal: “Ademais de recoller as súas sinaturas, aproveitaremos para lles trasladar a alternativa do BNG e as propostas e iniciativas que está a presentar tanto nos parlamentos galego e estatal como nos concellos.”